accha chalti hu dua me yaad rakhna
mere zikar ka zubaan me swaad rakhna
jab bhi lena naam mera tum
dil me thoda sa pyaar rakhna
meri aadaton ka sabko ehsaas dena
aam aaye jab tu sabhi ko saath bulana
bado ko aadar aur choto ko sneh dena
mere apno ko tu apna pyaar dena
tha mujhe koi agar bhrama
dosh diya ho maine kisi ko zara
hona usse tum sada snehamaya
banna mera pratiroop mera komal sa saya
saathee tha mera jo iss jeevan me
rakhna usko tum apne man me
kar payee na jo saat kasme poori
rakhna uski har baat zaroori
haath thaama tha jisne har mod par
saath dena uska har dukh aur darr par
hai vo tanhaa, mai uski shor hu
dhadkan banke rehna uski parchhaayi me
aadhure reh gaye jo sapne mere
dekhna unko ab tum savere
jana har uss jagah jahaan jaate hum
yaadon me lekar mera har sangam
zaroorat ho jab kisi apne ko
seva karna, sahara dena
banna vo ghar jo karva sake
mehsoos ho unke dil ko sokoon
chipi baatein jo thi tere mere beech
mat rukna un yaadon ke neeche
bhool kar gham tu jeena zara
raaste me milenge hum phir dobara
jaanu reh sake na tu bin mere
baatein karni hogi khoop saari kisi savere
nam hain aaj jo ye nayan tere
yaad kar uss khilti hasi ko chehre pe mere
subah ki chai me dhoondh lena mujhe
purani tasveeron ki hasi me mil lena mujhe
ghar ke kone me rakhi un cheezon me
jo chhodi thi maine iss jaldi me
jab kabhi thak kar baitho tum
mera naam hawaon me sun lena tum
mai kahin door nahi hoon
bas ek dua me mehsoos kar lena
jo geet adhure chhod gayee
unko tum apni awaaz dena
jo pyaar adhura reh gaya
usse duniya bhar me baant dena
agar kabhi lage andhera zyada
to deepak ban jana kisi ka
maine jo seekha tha jeevan se
usse aage pahunchana apne ansh tak
accha chalti hu dua me yaad rakhna
mere zikar ka zubaan me swaad rakhna
jab bhi lena naam mera tum
dil me thoda sa pyaar rakhna
No comments:
Post a Comment